آج کا دن

                                                          آج کا دن

            کانفرنس ہال میں خاموشی طاری تھی۔شرکاء کی آنکھیں سامنے دیوار پر لگی گھڑی پہ ٹکی تھیں کہ ایسے میں مسز اجمل نے میز سے کیلنڈر اٹھا کربلند کیا۔  ”حقوق ِخواتین کے سیمِنار اور دیگر پروگرام کا تفصیلی جائزہ مکمل۔“   دلآویز مسکراھٹ چہرے پر سجائی۔  ”یہ مہینہ ھم سب کے لئے انتہائی اھم ہے،اس کے نکات ............“    شزا نے ڈائری پر ہاتھ پھیرا۔  ۲۱بجتے ہی بے چینی پھیل گئی۔دوگھنٹے پلک جھپکتے گذرگئے۔   ”ہاں یاد آیا،میڈیا سے منسلک خواتین کی شرکت کو یقینی بنائیں۔“  کچھ نے گہر ی سا نس لی۔ جیسے بریفنگ میں سانس لینا منع تھا“ شزا نے ضروری کاغذات فائل سمیت بیگ میں رکھے۔اور نشست سے اٹھ کھڑی ہوئی۔ ”تمہاری سپیڈاچھّی ہے۔پروگرام کی جزئیات بھی دیکھ لینا“  وہ بالکل نزدیک آکربولیں، اس نے جوابی مسکراہٹ کے ساتھ اجازت چاہی۔                                                          

”آرہی ہو نا رعنا کی طرف! اپنی تیاری بھول گئیں“ انہوں نے بات آگے بڑھائی۔  ”اوہ‘‘   شزا ٹھٹک گئی، ا پنے گال پرہاتھ پھیر کر کھردرے پن کو محسوس کیا۔ بیگ کندھے پرلیا،اثبات میں سر ہلایا۔خوبرومسز اجمل NGOکی سربراہی کے علاوہ  بڑے سرکاری افسر کی اہلیہ کی شناخت رکھتی تھیں۔ مزاجاََحسن پرست اپنی چہرے اورجسم کی کی دیکھ بھال پر بھاری اخراجات کرتی تھیں۔”آ ج کون ہے جو خود کی سجاو ٹ بناوٹ سے بے نیاز ہے؟؟“  وزارتِ بہبود ِ خواتین میں دو سال سے متعین کو آرڈی نیٹر شزاکو یہ سوچ  مسز اجمل کے باور کرائی تھی۔                                                                                                                 باہر نسبتاََ خنکی تھی۔گاڑی میں مستعد ڈرائیور گھر پہنچانے کا منتظر کھڑا تھا،اس نے بیگ سیٹ پر رکھاارد گرد نظر دوڑائی۔خواتین کے چہروں پر رنگ جدا تھے،کوئی فکر مند تو کوئی بشاش،خاصے مشینی انداز میں اپنے اپنے راستوں پر رواں دواں۔ ہاتھ میں پکڑی ڈائری کھولی ”یہ خاتون کام کروانا خوب جا نتی ہیں۔“ کچی بستیو ں میں خواتین کے لیے ٹیکنیکل ٹریننگ سنٹر کا افتتا ح کسی خاتون وزیر کے ہا تھوں“ اس کی نگاہوں میں مسزنیلم کا پر کشش سراپا گھوم گیا  وزیر برائے گھریلو سیاست مگر اب وہ کہاں؟ شوہر کے ساتھ مقدمے میں پیشیاں بھگتا رہی تھیں۔اف  یہ میڈیا! کتنا بتنگڑ بنا رہے ہیں۔ ہر گفتنی نا گفتنی نشر ہو رہی ہے۔سگنل پر گاڑی رکی تو اس کی نظر ہا کر کے ہا تھ میں اخبا ر کی زینت بنی نیلم نواب زادہ کی رنگین تصاویر  میں الجھ گئیں۔ایسے میں انہیں مہمان خصو صی بنا نا پروگرام کی کا میابی پر حرف لا نا ہے                               

                       گھر کا بکھر نا،شوہر کے حوالے سے محروم ہو نا عورت کو کسقدر غیر معتبر بنا دیتا ہے“ اچانک اسے اپنا آپ یا د آ گیا۔ کس قدر exploit ہوا کرتی تھی گھر اور بچوں کے نام پر! مسعود کی ہر زیادتی کو کتنا برداشت کرتی تھی۔ اس کی اپنی کوئی حیثیت نہ رہی تھی۔کیا عورت اور مرد کے بیچ کوئی توازن قائم نہیں رہ سکتا؟؟شکر ہے کہ اس کے بچے اسکول جاتے تھے جو گھر سے  نکل کر نوکری کرنے میں نسبتا کم مشکلات کا سامناکر نا پڑا۔ ڈرائیور نے گاڑی آہستہ کر دی۔   ”اتنی لمبی قطار!نہ بنک ہے یہاں نہ کسی تنظیم کا امدادی کیمپ......“اس کی آوازمیں تھکن تھی۔                             

     ” جی نیا تندور کھلا ہے یہاں“  ڈرائیور نے اطلاع دی تو اسے یاد آگیا کہ مسعود نے تذ کرہ کیا تھا۔                                  ”اچھا“  اس نے پیسے ڈرائیور کی طرف بڑھائے   ” قطار میں لگے بھی تو کس کی؟ “                                             

 ”دس روٹیوں کے سو روپے بھی ناکافی؟“   ”کیا؟  اف مہنگائی کا گراف کہاں چلا گیا؟“تندوری روٹیوں کھا نے کے شوق نے کیسا شا ک لگا یا۔ ”کیا علاقے کی ساری خواتین نے روٹیاں پکانے سے استثناء حاصل کرلیا ہے ؟؟“اسے اپنی سوچ پر خود ہی ہنسی آگئی۔ موڑ کا ٹتے ہی بو تیک کے دروازے دور سے کھلے دیکھے تو شیزا کو کپڑے یاد آ ئے ۔تیزی سے سیڑھیاں پھلانگتی چلی گئی۔                                                                                                                                                      

           ”دو با ر آ چکی ہوں کپڑے وقت پر تیار نہیں ہو تے۔ سلائی تو روز بروزآ سمان سے با تیں کر رہی ہے،پانچ سال ہوگئے کپڑے سلواتے اب تو دسیوں دکانیں اور کھل گئی ہیں “  نہ جا نے کیوں شیزا کی آ واز اونچی ہو گئی۔خواتین کے جھرمٹ میں گھرے ماسٹر صاحب دھیمے لہجے میں بولے۔                                                                                                                           ”بے شک آ پ کہیں اور سے سلوانا چا ہیں تو سلوالیں سلائی تو سب کی یکساں ہے!ہمارے پاس کام بھی بہت ہے۔ماڈلز کے کپڑے سینا آسان ہے؟  عورتوں سے بحث الگ!!!“  بے سلے کپڑوں کا تھیلا اس کی طرف بڑھا دیا۔ خفّت زدہ وہ مڑی تو اپنی پڑوسن سیما کو پایا۔دونوں ہاتھوں میں بڑے بڑے شاپرزنیچے رکھے انتہائی گرمجوش مصافحہ کے لیے اور شزا بیزار...... بھلا جو عورتیں گھر وں میں رہتی ہیں انھیں درزیوں کے چکّرلگانے کی کیا ضرورت پڑی ہے؟؟ان درزیوں کے دماغ یونہی تو ساتویں آسمان پر نہیں ہیں۔ وہ سست قدموں سے باہر آ ئی۔                           

                               ”آج کا دن کیسا ہے؟“                                     کل رات کا منظر اس کی نگاہوں میں گھوم گیا۔کتنے فخر سے ہمانے اس کی طرف دیکھا تھا ”مما! یہ ہوم ورک بھی ہے اور لٹریری سوسائٹی کا پرو جیکٹ بھی۔ مس نے کلاس کو دوحصوں میں تقسیم کیا ہے۔ایک وہ جن کی مائیں گھروں تک محدود ہیں اوردوسراوہ جن کی ما ئیں گھروں سے باہر معاشرے کی ترقی میں اپنا حصہ ڈال رہی ہیں۔ان دونوں گروپ کواپنی ماؤں کی ایک دن کی معلومات جمع کرنا اور پھر اس پر پر فا منس بھی ہے۔ سارے گروپ کی نظریں مجھ پر اور آپ پر ہیں."                                                                                                                                           

       آج کا دن!!“ اس کی سماعتوں سے کوئی باز گشت ٹکرائی خا موشی سے گیٹ میں دا خل ہو ئی تو سارا گھر سائیں سائیں کر رہا تھا۔ تھوڑی دیر میں بچے اسکول سے آ جائیں گے۔ باتھ روم کے آ ئینے میں چہرہ دھوتے ہوئے اسکا عکس کھلکھلایا۔” ما ڈلز ما ڈ لز “  تولیہ سے منہ پونچھتے  ہوئے رعنا بیو ٹی ایکسپرٹ سے یاد دہا نی کا میسیج آ گیا۔  ok کر کے وہ کچن کی طرف چلی گئی۔ بچوں کو کھا نا کھلاتے ہوئے اس کا دھیان با ر بار بھٹکتا رہاتنے میں مسعود آفس سے کھانے پرآگئے۔ہما نے کتنی بار اس سے اپنے پرا جیکٹ کاپو چھا تو اس نے اگلے دنوں پر ٹال دیا۔ طلحہ اور رافع کی نوک جھونک بھی وہ سنے بغیر ہوں ہاں کر تی رہی۔ مسعود نے اس کی ذہنی غیر حاضری محسوس کی۔ ”دراصل مما کو مساج کے لئے جانا ہے۔ آپ ڈراپ کردیں جب تک میں مما کی ڈائری سے ان کی مصروفیات دیکھ لوں گی۔“ ھما نے اس کے گلے میں بانہیں ڈالیں اور وہ منع بھی نہ کرسکی                                 گلی میں داخل ہوتے ہی گڑبڑ کا احساس ہوا،آ س پا س کے دکاندارسر باہر نکالے جھانک رہے تھے۔کچھ مرد حضرات تنے کھڑے تھے۔اندرناقابلِ یقین نظارہ منتظر تھا۔ دو خواتین رعنا کی ساتھی پر پل پڑی تھیں اور باقی کسٹمر سکتے کے عالم میں تینوں کو گتھم گتھا دیکھ رہی تھیں                                                                                                                                           ”آخر ہوا کیا ہے؟“  شزا آگے بڑھی۔ایک کونے سے نیم دراز خاتون سفید بھبھوت ملے چیرے کے ساتھ اٹھ بیٹھیں دو لڑکیاں جو ان کے چہرے اور ہاتھوں پر لیس دار چیزیں مل رہی تھیں۔دھکّا لگنے سے لڑکھڑائیں۔باہم دست وگریبان خوا تین ایک لمحے کو ٹھٹھکیں۔شزا کے ذہن میں ایک اشتہار گھوم گیا۔بند آنکھیں،پھیلے ہوئے ہاتھ،سفیدچہرہ ۔فرعون کی ممی                

          ”تم آگئیں شزا؟؟“     ”مسز اجمل؟؟“شزا نے تھوک  نگلا۔       ”پولیس کو بلاؤ“وہ کراہیں۔    ”نہی ی ی ی  ں“  کاؤنٹر پر بیٹھی لڑکی چیخی۔                                                                                                                                  

              ”میم ابھی آرہی ہیں سب ٹھیک ہوجائے ......“جملہ ادھورا رہ گیا۔ لوہے کاسٹول شیشہ سے جو ٹکرایا۔ہزارہاکرچیاں بکھر گئیں۔ دروازہ پر زور کی دستک نے ادھر متوجہ کرلیا۔ رعنا کے سر پہ سے اڑتی ہوئی شیمپو کی بوتلیں باہر جا گریں ادھر مسعود کے میسج پر میسج آ رہے تھے ۔  ”اندر کیا ہو رہا ہے؟؟“۔بالآخرپولیس کو طلب کرنا پڑا تو عقدہ کھلا کہ ایک خاتونِ خانہ اپنے ساتھ جواں سال ملازمہ کو لاتی تھیں بطورماڈل  طرح طرح کے میک ا پ اور سٹائل سیکھے جاتے تھے۔اس عرصے میں اس نے وہ تمام ضروری گر سیکھ لئے اور خاتون کے مجازی خدا  پرآزمالیے۔جب بات نکاح تک جا پہنچی تو ہوش آیا۔کمہار پہ بس نہ چلا تو گدھی کے کان مروڑ دیے اور اپنے گھر کے بجائے پارلر کو نشانہ بنالیاکہ ملازمہ کویہاں سے شہ ملی ہے۔                                      

                   جنگ اور محبت میں سب کچھ جائزہے خدا جانے یہاں محبت کا معر کہ تھا کہ گھرکی جنگ!!وہی گھرجس کے جنجال سے چھٹکارے کا بگل پارلیمنٹ سے پارلر تک بج رہا ہے۔ مگر شزا اور محصور خواتین کے دل سے کوئی پوچھتا۔ کوئی بھی جگہ میدان ِکارزار بن سکتی ہے! خیرپولیس کے آنے کے بعد تو کوئی بھی وہاں نہ رکنا چاہتا تھا۔ ساری خواتین ادھورے  میک اپ،فیشل،مساج کے ساتھ مضحکہ خیز حالتوں میں گھروں کی خبر لینے روانہ ہوگئیں۔مسز اجمل کوگھرجانے کے لئے مجبوراََ شزا کے سا تھ ہونا پڑا کہ ڈرائیور صاحب کے مہمانوں کو چھوڑنے گیا تھا۔ مختصر سے راستے میں بھی مسعودکمنٹری کرتے رہے ”اکھاڑہ کا انتخاب خوب تھا!“ مسز اجمل کے اتر تے ہی مسعود بے اختیار بول پڑے ”....خدا۔خیر کرے! اجمل صاحب  انہیں پہچان تو لیں گے نا!“جب اپنے گیٹ کے سامنے گاڑی روکی تو زور سے ہارن دیا بچے فوراََ نکلے مسعود پیٹ پکڑ کے دوہرے  ہوگئے۔ شزا بھی اپنی ہنسی ضبط نہ کرسکی    ۔

--------------------------------------------------------------

  نگہت یاسمین                                                                                                                                             

                            

لگام

لگام

     

 ایمن تھکے تھکے قدموں سے گھر میں داخل ہو ئی تو لاؤنج میں تخت پر امی کو پا یا۔ اس نے چہرے پر بشا شت لانے کی کو شش کی اور ماں کے  نز دیک بیٹھ گئی۔ انہوں نے چونک کر آ نکھیں کھولیں اور گاؤ تکیہ کے سہارے اٹھ بیٹھیں۔ ”آپ تھک گئیں تھیں تو کمرے میں لیٹ جا تیں۔ آ دھی نیند سے سر میں درد ہو گا“  اس نے جھک کر بے آ واز جوتے اتارے اور تخت کے نیچے کھسکائے۔ 
”تمہارا انتظار کر رہی تھی۔اس لئے  یہاں ٹیک لگا لی۔ کب آ نکھ لگی؟ شاید گھنٹے سے زیادہ ہوا........رات کی نیند بھی پو ری ہو گئی.....“  انہوں نے پا ؤں زمین پر رکھے   ”......

  چلو میں کھا نا گرم کر تی ہوں تم کپڑے بدل آ ؤ...“ ایمن نے گھڑی کی طرف اشارہ کر کے ماں کا ہاتھ پکڑ لیا ”....امی پانچ بج رہے ہیں۔ اسوقت کھانا نہیں۔ چائے میں بنا تی ہوں۔آپ بیٹھیں......“

     ”....تم پھر ہسپتال گئیں تھیں! میرے سمجھا نے کے با وجود.....“   ان کے لہجے میں خفگی تھی   ” اور کھا نا کیا کھا یا؟ کہا ں کھا یا؟ میں بھی تو سنوں...“ وہ خا موش نظریں جھکائے پاؤں کے انگوٹھے سے فرش کریدتی رہی۔ انہوں نے جو کچھ کہا اسے جھٹلا نا ایمن کے بس میں کہاں تھاسو  کچھ بھی جوا ب نہ دیا۔ یوں لگتا تھا کہ ان کی آ نکھوں میں خاص قسم کے detector نصب ہیں جو جھوٹ اور سچ کو فورا الگ کر لیتے ہیں یا پھر ایمن کا چہرہ آئینہ کی مانند شفاف تھا سو بجز ہتھیار ڈالنے کو کوئی چا رہ نہ تھا،اس لئے پیچھے ہو کر تخت پر لیٹ گئی اور لینن کا دوپٹہ نما چادر اپنے اوپر  ڈال لیا۔ امی کا غصہ فو را کا فور ہو گیا۔ دھیرے دھیرے اس کے با لوں میں ہا تھ پھیر نےلگیں۔   ا یمن کی آ نکھیں خود بخود بند ہو تی گئیں۔

  
انہوں نے اس کا بیگ اور فا ئل اٹھائے تو اس میں سے کاغذات اور اخباری تراشے زمین پر آ رہے۔ جھک کر سمیٹے اور کمرے میں رکھے     محلے کی مسجد سے بلند ہو نے والی عصر کی اذان سن کر وضو کر کے جاء نماز بچھا لی۔” یا الٰہی! سب کی خیر ہو.....“  دعا کے لیے اٹھے ہا تھ چہرے پرپھیرے۔ چائے بنا کر دم پر رکھی اور دروازہ کھول دیا کہ ٹیو شن  کے بچوں کی دستک سے ایمن کی آ نکھ نہ کھل جا ئے! مگر ننھی بچیوں کی آ مد دبی دبی آ وا زیں سن کر اس نے کر وٹ بدل لی۔ امی نے ہاتھ سے اندر جا کر لیٹنے کا اشا رہ کیا ”...نہیں پہلے چائے  بسکٹ!...“ وہ لاڈ اٹھوا نے کے انداز میں بو لی۔ بچے کھلکھلا کر ہنس پڑے۔ 

    زینب، فا طمہ، عائشہ فورتھ میں، ثناء، زہرہ آمنہ تھری میں تھیں اور اسماء، مریم،نمرہ ٹو میں! ایمن بچوں سے ہاتھ ملا کر قالین پر بیٹھ گئی۔نمرہ  اور زہرہ دونوں بہنیں شروع ہو گئیں۔ گھر کی با تیں، اسکول کے قصے،! آ گے سے ٹو ٹے ہو ئے دانتوں کے با وجود خوب بو لتی تھیں اور کسی کو بولنے کا موقع ہی نہ دیتی تھیں لیکن فاطمہ نے دونوں کو آ نکھیں دکھا کر          پو چھا  
”ایمن با جی آپ یو نیورسٹی میں پڑ ھتی ہیں نا!“ ایمن کا منہ کھلا مگر  زینب جو حسب معمول بغیر با زوؤں کے مختصر سے جھبلے اور اور گھسی ہو ئی اونچی جینز میں تھی، نے دونوں ہاتھ اٹھا کر کچھ لقمہ دیا تو سب کی نگا ہیں  اس کی ناف اور بغلوں میں الجھ کر رہ گئیں  ”اف“  ایمن نے جھر جھری لی اور آ نکھیں جھکا لیں۔ بچے کچھ نہ سمجھے مگر خاموش ہو گئے۔ امی نے  بسکٹ کی پلیٹ درمیان میں رکھی اور چائے کا کپ اس کے آ گے رکھا۔۔ چند لمحے ہنستے بولتے ما حول کی خا مو شی کو نوٹ کیا۔ سب کو  بغور دیکھا۔ ایمن نے بسکٹ اٹھا کر منہ میں ڈال لیا۔ 

”ہوں کو کو نٹ“  اور چائے کا گرم کپ لبوں سے لگا لیا ”آ ہ گرم!!“   زبان کی نوک بری طرح سرخ ہو چکی تھی  

”سی سی“   بچے پھر کھلکھلائے  

”یہ جو ایمن باجی ہیں انہیں تمہارے اسکول میں دا خلہ مل جا ئے گا؟“ امی نے بچوں کے آ گے ملا مت کی۔ 
سب کی آ نکھیں چمکنے لگیں۔ امی نے ڈا ئری، ہوم ورک کا پیاں کھلوا دیں۔ وہ خا موشی سے بچوں کو کام کر تا  دیکھتی رہی۔ سب  ہی نے ٹاپ اور جینز پہنے                                                          ہو ئے تھے اورکسی پر ھنا مونٹا نا، کسی پر پاور پف گرلز، تو کسی پر باربی ڈول    ! فون کی گھنٹی بجنے پر اس کا انہماک ختم ہوا اور سہیل کی                               آ واز سن کر جیسے ذہن جا گا

”’اچھا تو آ پ نے شکا یتیں لگا ئیں؟؟“   با لکل غلط!! تمہاری سر گر میوں کی رپور ٹ دی تھی۔“ بر جستگی سے جوا ب آ یا۔ بحث کوطول دینے کا کوئی فائدہ تھا نہ ایمن کا موڈ!! بر سر روز گار سہیل کے ساتھ اس کانام بی اے کے بعد ہی جڑ چکا تھا مگر میل جول نفیسہ بیگم نے محدود کر رکھا تھا۔ تعلیم کے با وجود وضع داری ان کے مد نظر تھی۔ اور دور کی سسرالی رشتہ داری  قربت میں بدل ڈا لی تھی۔ ایمن نے فون ماں کی طرف  بڑ ھا دیا۔ مختصر سی بات ہو ئی۔

   مغرب کی اذان بلند ہو نے پر امی نے کا پیاں بند کروا دیں۔ کام بھی ختم تھاکہ زینب کی مما صبا لینے آ گئیں۔ ٹسٹ کے نمبر پر بات                                           ہو نے لگی۔ ایمن نے سر تا پا ڈھکی چھپی عبا یا میں ماں اور ادھورے لباس میں دس سالہ بیٹی کو غور سے دیکھا۔ کیا درمیان میں کوئی کڑی ٹوٹ گئی ہے؟؟ مگر بظا ہر تو ایسا نہیں لگتا!! اگر وہ نقاب پوش دادی یا پھوپھی کے ساتھ ہو تی تو انحراف کا مارجن تھا.......  ...ایمن کا ذہن مسلسل تجزیہ کر رہا تھا۔ دونوں کے مطمئن چہرے الجھن میں ڈال رہے تھے۔ اسے وہ دو مختلف دائروں میں سفر کر تے مسافروں کی مانند لگیں جو کسی نقطے پر ایک دوسرے کو قطع کر تے ہیں۔ فاطمہ، ثنا ء اور عزہ کی امی بھی آ ہی گئیں۔

   ”ڈا ئری دیکھی؟؟ دو دن بعد سیرت النبیﷺ ہے۔ بچوں کو سفید دو پٹے، شلواریں اور رنگین قمیضیں پہننی ہیں“  نفیسہ بیگم نے ماؤں کو جتا یا۔
"اف!! اب یہ نمونے کہاں سے لائیں؟؟ زینب کی مما نا گواری سے بو لیں۔

”جہاں سے یہ دھجیاں آ ئی ہیں اور کہاں سے؟؟ انہوں نے سرد لہجے میں با ت کا ٹی۔ گفتگو میں ڈیڈ لاک آ گیا تھا۔ فاطمہ کی ماما نے گلاصا ف کیا
    ”اصل میں بازار میں یہ ہی کپڑے ملتے ہیں....“ تو  ثنا کی امی نے مصا لحتی بیان دا غا ”...بچے ان کپڑو ں کو پہننا پسند کر تے ہیں بلکہ ان کے علاوہ کچھ پہننا نہیں چاہتے....“  نفیسہ بیگم نے ماؤں کو غور سے دیکھا۔”بازار میں تو نہ جا نے کیا کچھ ملتا ہے اوران معصوم بچوں کوبے لبا سی کی عادت ہم ڈا ل رہے ہیں سو پسند بن ہی جا ئے گی.........کتنی ہی با ر بچوں نے میرے ساتھ نماز پڑ ھنے کا سو چا مگر اپنے کپڑو ں پر نظر پڑ تی ہے توشر مندہ ہو جا تے ہیں۔ یہاں بیٹھے سارا وقت جمپر کو نیچے اور جینز کو اوپر کھینچتے رہتے ہیں......“ ان کی آ واز بتدریج مدھم ہو تی چلی گئی۔ ارد گرد   سنا ٹا دبیز ہو گیا۔ وہ نماز کا وقت تنگ ہو نے پر معذرت کر کے اندر چلی گئیں۔ 

ماؤں نے اس تلخ سچ کو یوں بر داشت کیا تو اس کا سبب نفیسہ بیگم کا ماڈل اسکول میں بطور پرا ئمری سیکشن کی انچارج اور اتھارٹی تھی۔ ایمن نے  بمشکل ضبط کیا۔ بچےاپنی ماؤں کا ہاتھ تھامے سیڑھیاں اتر نے لگے۔ دروازہ بند کر کے اس نے گہرے گہرے سانس لیے۔ چائے کے بر تن کچن میں رکھے،ماں کے پاس جائے نماز پر بیٹھ گئی۔ امی نے طویل دعا کے بعد ہاتھ چہرے پر پھیرے تو ایمن نے اپنا گریبان  آ گے کر دیا۔شفقت بھری نگا ہوں نے اس کے سارے وجود کا احا طہ کر لیا۔  ”...تم بھی پڑھ لو.....“  ”ابھی وقت ہے؟قضا تو نہیں ہو ئی؟“ ایمن نے گلےمیں با نہیں ڈا لیں۔

  ”...ارے وہ کو ئی انسان تھوڑی ہے جو ایک بار روٹھ جا ئے، وہ تو مہلت دیتا ہے۔ ہر وقت منتظر رہتا ہے....“

  ”..مگر امی! رضیہ کے ساتھ جو ظلم ہوا ہے۔اس پر مجرموں کو ہر گز مہلت نہیں ملنی چا ہئے۔“ ایمن زلزلے کے آ ثار چہرے پر لیے جاء نماز پر کھڑی تھی 

        ”بد کر دار اتنے طا قت ور کیو ں ہیں.....؟؟“

    ”کھانے کے بعد اس مو ضوع پر بات کر نا۔ خالی پیٹ ہو تو دماغ سائیں سائیں کر تا ہے“                کچن کی طرف وہ چل دیں۔ کھا نا کھا کر دونوں لاؤنج کے تخت پر آ ٹکیں

   ”یو نیورسٹی سے سیدھے گھر آ نا!میں نے صاف الفاظ میں کہا تھا“ ان کی نارا ضگی بر قرا رتھی۔ ایمن نے ٹھنڈی سانس بھری ۔                                                                                           "پورا سو شیا لو جی ڈیپارٹمنٹ، ویمن اسٹڈیز سنٹر،میڈم عقیلہ، میڈم صبیحہ، سر کا شان،سر زبیری سب گئے تھے۔ میں اکیلی تھوڑی تھی؟ اب    فائنل ا یئر میں اسا ئنٹمنٹ ہے۔”معاشرے میں تبدیلی۔ اسباب و اثرات“! کیا گھر بیٹھے کر لوں؟؟“  وہ ماں کی حکم عدولی کا جواز دے رہی تھی۔ پانچ سال قبل انصار صاحب کی اچانک موت کے بعد ماں بیٹی ایک دوسرے کے مزید قریب آگئیں۔گوئیاں تو وہ پہلے ہی تھیں۔ آہستہ سے ہنسیں 

”ہاں، تمہیں زینب بمقابلہ صباموادمل تو گیا۔“ا                  س کی معذرت گویا قبول ہوگئی۔

    ”آپ تو اندر آگئیں اور میری جان پر بنی “ماں کے ہاتھ اپنی گرفت میں لے لیے

     ”تم نے غور نہیں کیا بچو ں پر مسلط کر دہ غیر معیا ری لبا س کس کا ایجنڈا ہے؟؟  ا آنکھوں میں الجھن لیے وہ کمرے سے فائل لے کر پلٹی انہوں نے ہا تھ میں لے کر بند کر دی                       ۔                                                                            ”میں شام میں دیکھ چکی ہو ں.....بیٹا معاشرے تو صرف انصاف کی حکمرانی سے پنپتے ہیں“ انہوں نے بات آ گے بڑ ھا ئی اور ریمورٹ سے ٹی وی  چلا دیا۔

اسکرین کا منظر پا رلر سے براہ راستrepeat  telecast  پروگرام! ایمن کے  ما تھے پر شکنیں پڑ گئیں۔ ایک نیم دراز        خا تو ن کے پپوٹو ں پر شیر کی شبیہہ ابھر رہی تھی۔ اس نے کئی پہلو بد لے مگر ماں نے اشارے سے خا موش کرا یا۔ کوئی    آ دھے گھنٹے بعد یہ فضول کام مکمل ہوا۔ اس دوران کیمرہ مین دونوں خوا تین کے بیچ میں گھسا انہیں جن زاویوں سے فلمبند کر تا رہا اس کا تصور بھی انہوں نے نہ کیا ہو گا۔ شیر کی تصویر سجا ئے خا توں آ نکھیں موندے رہیں شاید جنگل میں شیر کی کچھار کی تلاش میں۔ ٹٹولتے ہاتھوںسے کر سی پر بیٹھیں۔ کروڑ وں نا ظرین ان کی درگت بنتے دیکھ کر محظوظ ہوئے ہوں گے؟   

”شاید گھر بیٹھی خواتین کو آ رائش و زیبا ئش سکھا نا پرو گرام کا مقصد تھا۔ امی نے لقمہ دیا۔ تو ایمن کچکچا کر رہ گئی۔ چینل بدلنے پر بوس و کنا ر کے منا ظر سے لے کر دھمکیاں دیتے مبا حثو ں تک نگاہو ں نے پلک جھپکتے جذب کر لیے۔ ایمن کو ابکائی آ گئی۔ آ خ تھو!! ریمورٹ پر ان کا ہا تھ رکا تو علا قائی تنظیم یعنی سارک                                          سیمینا ر کی عکس بندی  مشترک تہذیب کے علم بردار چمک چمک کر فر ما رہے تھے  ”اجنتا اور ایلورا کے غا روں میں مد فن انسانی تہذیب و تمدن نہ صرف قابل فخر ما ضی  اور سر ما یہ ہے بلکہ آ ج بھی..............“ انہوں  نے mute   کر دیا۔ 

”وقت تو ہمیشہ آ گے کا سفر کر تا ہے مگر یہ دانشور عوام کو لچھے دار باتوں سے فریب دیتے ہیں۔ اگر تو وہ صحیح ہے جو یہ حضرت کہہ رہے ہیں تو ان پر مو با ئیل اور ہا ئی ٹیک انٹر نیٹ جہاز کا سفر اور آ سمان کی بلندیوں تک چھو تی عما رتیں سمیت دنیا کی لا کھو ں چیزوں کی ایجا د اور استعمال از خود غلط ثا بت ہو تا ہے کیا یہ اس کا تصور کر سکتے ہیں؟ بے لبا سی کے علاوہ  کوئی اور فکر قابل پیروی نہیں ان کے لیے!....“  امی نے تبصرہ کیا۔ ایمن سو چوں میں ڈوب گئی مگر اگلے منظر نے دو نوں کو الر ٹ کر دیا۔

 مشہور میز با ن سا یہ خا ن حسب معمول تین حضرات کو دا ئیں اور تین خوا تین کو با ئیں جانب لے کر بیٹھی تھیں۔ درندہ صفت انسا نو ں کی سفلی خوا ہشات کی بھینٹ چڑھنے والی دس سا لہ رضیہ زیر بحث تھی۔ کیمرہ کبھی اسپتال میں موجود لوا حقین پر جا تا او ر کبھی طبی ماہرین کی رائے کے لیے اسٹو ڈیوکا رخ کر تا۔ ’... اف! اس نے جھنجھلا کر ریمورٹ اپٹخ دیا۔ بو جھل سر دونوں ہا تھوں سے تھا م لیا  ”.....بنت حوا کی عزت تار تار کر نے پر خبر نہیں المیہ جنم لیتا ہے۔اور اس غیر انسا نی عمل کی تشہیر اذیت ناک تجر بے کو بار بار دہرا نا ہے۔“   نفیسہ بیگم کی آواز میں بھنور پڑ رہے تھے۔

 ”کبھی ایسا نہیں ہو تا کہ ایک شخص سو کر مطمئن اٹھے اور جرم کا ار تکاب کر ڈا لے! بر سوں کی تر غیب اور غصہ انسا ن کو مجرم بنا دیتا ہے“  انہوں نے اس کا سر اپنی گود میں رکھ لیا۔

    ”تشنہ آ ر زوؤں، نا آ سودگیوں، اور محرو میوں کو جرم میں بدلنے والے عوا مل کچھ اور بھی ہیں۔ بلا شبہ ان شیا طین کو سخت ترین سزا ملنی چا ہئے جو معصوم بچوں کو اپنا نشا نہ بنا تے ہیٰ! تم کیسی سو شیا لو جسٹ ہو؟ ہمت ہا رنے کے بجا ئے کو ئی حل سوچو! کیا ہم رضیہ کے لیے کچھ کر سکتے ہیں؟؟“ایمن بڑ بڑا ئی۔ انہوں نے نفی میں سر ہلا یا۔ ہم معاشرے کی رضیاؤں کے لیے بہت کچھ کر سکتے ہیں۔۔مگر کیسے؟؟ وہ گہری سو چوں میں ڈوب گئی۔ نفیسہ بیگم نے پاس ہی رکھا لیپ ٹا پ اس کے آ گے کر دیا تو کسی خیال سے اس کی آ نکھیں چمکیں۔ کی بورڈ پر اس کے ہا تھ تیزی سے چل پڑے۔ اپنی تمام دوستوں،جاننے والوں کے نام پیغام تیار کیا۔

  ادھر ملک بھر کے نیٹ استعمال کر نے والے حیران تھے کہ آ خر کون ہے جو ہر خبر کا بخیہ ادھیڑ رہا ہے۔ بالآخر پندرہ دن بعد یو نیورسٹی کے سبزہ زار  پر ہو نے والے پرو گرام کی اطلاع اور دعوت معاشرے کے ہر ذمہ دار فرد کو دی گئی۔ بریکنگ نیوز کی طلب میں پہنچنے پر حیرت کے نئے در وا ہو ئے۔ پس پر دہ سماج دشمن طا لبا ن کے بجا ئے با شعور طلبہ و طا لبات کو دیکھ کر ار ما نوں پر اوس پڑ گئی۔ جا بجا لگے پو سٹر پر چیدہ چیدہ حقائق، خبریں  اور پا لیسی کا پو سٹ مارٹم تجزیہ نمایا ں درج تھا۔ با قاعدہ تقریب میں تا خیر پر سوا لیہ نظریں منتظمین کی تلا ش میں اٹھنے لگیں کہ شریر لڑ کوں کاایک گروپ سٹیج پرچڑ ھ گیا۔ نعرے بلند ہو نے لگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
         ٭نگہت یاسمین ٭

             

   

  

پہلا جمعہ -------

                                                                                پہلا جمعہ    

                           

   آج بھی اچھی طرح یاد ہے وہ جمعہ کا دن تھا، عید کے بعد  پہلا جمعہ،اس دن کا انتظار تھا بچے بارہ بجے سکول سے آئے۔کئی پہر سوچ بچار کرتے گذرےتھے،دماغ سو طرح کے اندیشے پیش کرتا تو دل تاویلیں۔اکیلے بھیجوں یا کسی کے ساتھ یا پھر رہنے دوں.........

آخر بچے گلی میں کھیلتے بھی ہیں ،سکول بھی جاتے ہیں اور دکانوں پر بھی کھڑے نظر آتے ہیں  پھر وہاں نہ بھیجنے کا جواز ؟ دل اسے گھر بٹھانے پر مطمئن نہ تھا۔ہم سب نے کئی بار ممکنات پر غور کیا۔

ہوتا یہ ہے کہ اگر والدین کسی معاملہ پر پس وپیش کرتے ہیں تو بچے بھی اس پر شور کرتے ہیں اورجس بات پر ماں باپ یکسو ہوں تو بچے بھی آرام سے چوں چرا کئے بغیر سر انجام دیتے تھے ہیں۔

جونہی یوسف گھر میں داخل ہوا۔تیزی سے غسل خانے کا رخ کیا۔خاصا پر اعتماد نظر آرہا تھا اکیلے جانے کے خیال سے،ملی جلی کیفیت اس کے چہرے پر تحریر تھی۔نہا کر کرتا شلوار پہنا۔ابھی پچھلے مہینہ تو سات سال کا ہوا۔رمضان بھر تو اپنے ابو کے ساتھ جاتا رہا مگر اب تنہا جاناتھا۔ ابو آفس میں تھے۔ اسے کیا پتہ کہ ایک وقت ایسا بھی گذرا کہ جب جمعہ کو ہفتہ وار چھٹی ہوتی تھی۔

اگر جمعہ قومی تعطیل ہوتا تو کوئی مسئله ہی نہ ہوتا۔یہ خواہش ایک الگ باب ہے غور وفکر کا پوری قوم کے لئے اور ہمارے گھر میں یوسف کے        مسجد میں جمعہ پڑھوانے پر دماغ لڑایا جارہاتھا۔

اپنی پڑوسن بہن اشرف جہاں سے گذارش کی کہ ان کے میاں جاتے ہوئے اسے ساتھ لےجائیں۔جنھوں نے بڑی خوشی سے ذمہ داری قبول کرلی۔ پہلی اذان ہوئی اور سب رخصت کرنے تیار ۔کچھ نصیحتیں دہرائیں۔یوسف کی بے چینی عروج پر بار بار دروازہ کھول کر دیکھے "انکل تو نہیں آرہے"(جو دوسری اذان پر آئے وجہ پانی کی کمی تھی(بالآخر وہ اکیلا ہی بھاگتا ہوا نکل گیا گلی کے آخری سرے تک۔موڑ کے بعد سیدھے جاکر مسجد کا گیٹ تھا۔آدھے گھنٹہ بعد,جب تک واپس نہ آگیا،عافیت طلب کرتے رہے۔پھر شام میں عصر کے وقت ایسی ہی مشق دہرائی گئی۔

     یہ ایک اوسط گھرانے کی روداد ہے۔ ماؤں کو سوچ دیتی کہ والد کے معاشی ذمہ داریاں نبھانے، خاموش کردار کے باعث انھیں بچوں خصوصاً لڑکوں کو کس طرح تیار کرنا ہے۔

مگر بات یہاں پر مکمل نہیں ہوئی۔۔۔۔۔۔۔وہ کچھ دیر  سر جھکا کر خاموش رہی۔(اب تو مسجد جانے کی عادت ہوگئی ہوگی) کچھ دنوں بعد عصر پڑھ کر دوڑتا ہوا گیٹ پر آیا تو گلی میں کھیلتے سارے بچے اس کے گرد اکٹھاہوگئے۔ زین،فرحین،آمنہ۔عبدالحسب،فرحان،فاطمہ۔ قدموں کی آواز پر گیٹ کھولا تو سب کی نگاھوں کا مرکز یوسف تھا۔

   "تم نماز پڑھنے مسجد جاتے ہو ؟"

    "اکیلے؟"

باتونی فرحین کی صاف آواز  سنائی دی۔وہ آنکھوں آنکھوں میں اسے کھوج رہے تھے ۔اس نے مڑ کر پیچھے ماں کا چہرہ دیکھا اور اعتماد سے جواب دیا "ہاں تو کیا ہے؟"

اگلے جمعہ زین کو اپنے ابو کے ساتھ جمعہ پڑھنے جاتے دیکھ کر رب سے شدید تعلق محسوس ہوا۔ عمل کی تاثیر دیکھ کر اپنے جذبوں کی قبولیت کا یقین آگیا۔

اپنے ارد گرد سے ہم شکوہ کناں رہتے ہیں۔معاشرتی بگاڑ پر واویلا مچاتے ہیں۔ہمارے ماحول میں اچھی مثال قائم کرنے والےکم  اور تسلیم کرنے والے اور بھی کم نظر آتے ہیں۔مگر ایسا بھی نہیں ہے کہ معاشرہ سو فیصد تبدیل نہ ہونے والے افراد پر مشتمل ہے۔ اصل بات ہماری کوششوں میں خلوص اور مستقل مزاجی کی ہے۔

یوسف جب بہت چھوٹا تھا جب ہی یہ نکتہ سمجھ آگیا کہ اب گھر سے باہر  بھی نئے معیار بنانے ہوں گے مسجد سے کهیل کے میدان تک۔۔۔۔ سات سال کی عمر سے مسجد میں نماز پڑھوانا اسی خیال کا تسلسل ہے۔

 ہمارے معاشرے میں معمول کی بات ہےکہ والدین اپنے بچوں کو ساتھ ساتھ رکھتے ہیں چاہے گھر ہو یا باہر۔یہی تربیت کا فطری نظام ہے۔جسے نظر انداز کرنے سے بچوں میں کجی اور معاشرے میں انتشار کی راہ ہموار ہوتی ہے۔

                                                  ................................................

                                                                                            عفت ملک 

راستوں کے موڑمنزل پر نکل آنے لگے

راستوں کے موڑ منزل پہ نکل آنے لگے

دوپہر کا وقت تھا مگر تیز رفتار گاڑیوں کی اژدہام  بار بار پیچھے ہٹنے پر مجبور کر دیتا ،تینوں بچوں کے ساتھ بمشکل سڑک پار کی۔ دکان سامنے نظر آتے ہی بچہ ماں سے ہاتھ چھڑا کر اندر داخل ہوا اور تیزی سے نظروں سے اوجھل ہوگیا۔ ماں اور بچیوں نے چونک کر ایک دوسرے کی جانب دیکھا ،جگہ بناتے ہوئے اسکی تلاش میں نگاہ دوڑانے لگیں۔"شاید شیلف کے پیچھے گم ہو''،گمان کیا ۔کتابوں کی دکان میں وقت گذارنا توسب کی پسندیدہ سرگرمی تھی۔ آج اس بے چینی سے دوڑنا یقیناََ کوئی تازہ کہانی یا سی ڈی۔۔۔۔

ماں اور بچیاں بھی کتابوں پر نظر دوڑانے لگیں ،کتب کے سرورق اور پیچھے  تعارف اور تفصیلات  میں محو ہو گئیں ۔

"امّاں " آواز گونجی اور تینوں کی محویت کو توڑڈالا۔ بچہ جس تیزی سے غائب ہوا تھا اسی سرعت سے دپے پاؤں نمودار ہوا تھا  ایک ہاتھ کمر کے پیچھے کچھ چھپاتے ہوئے ۔

" ایک سرپرائز ہے میرے پاس "

"کوئی نئی کہانی یا   گیم سی ڈی " ممکنہ فوری رد عمل آیا ۔ " اوں ہوں " بچہ نے انکار میں سر ہلایا اور ماں کی آنکھوں میں آنکھیں ڈال کر اعتماد سے ہاتھ میں موجود سر پرائز آگے کر دیا۔

" یہ کون سی کتاب  ۔۔۔۔۔۔تینوں کے منہ سے ادھورا جملہ نکلا۔

"سود ۔۔۔۔دور جدید کےعظیم چیلنج کا جواب دلیل و برہان کے ساتھ !" وہ ٹائٹل پڑھتا چلا گیا۔ 

سب کے ذہن میں مشترکہ یادیں ایک ساتھ  ابھریں  "اف " ماں اور بچوں کی آنکھیں آپس میں ملیں  شدت جذبات   سے لبریز مگر سب کارنگ جدا جدا ، بچہ کی آنکھیں فخر سے جگمگارہی تھیں اللہ اور رسول سے جنگ سودجیسی نجاست  کا حل  اسکے ہاتھ میں تھا ، ماں کی آنکھوں میں تشکر چھلکتے آنسؤں کی صورت جھلملارہاتھا۔ اس جھلملاہٹ میں  تین ماہ سے جاری کلاس کے مناظر ایک فلم کی صورت نمایاں تھے۔ "قرآن کی کلاس گھر میں " ایک خیال تھا جو روشنی بن کر ارد گرد کو منور کردے گا۔ کئی بار ترجمہ اور تفسیر سے پڑھنے کا سلسلہ شروع ہوا مگر کبھی امتحان کبھی مہمان اور کبھی ہنگامی مصروفیت حالات و واقعات کی ترتیب کے باعث منقطع ہوتی رہی۔

                          مگر اس بار سلسلہ میں سورہ البقرہ اور پھر سورہ آل عمران  میں سود کی حرمت کی کیفیت کچھ اس طرح سے دل پرنقش ہوئی کہ آج کارٹون ،لطیفوں یا  سی ڈی کے بجائے "سود " جیسی کتاب اٹھانے سے ظاہر ہوئی ۔ بظاہر غیر سنجیدگی سے سنتے اور سوال کرتے بچے !کسے معلوم کہ کچی عمر میں ذہن نشین ہونے والی  بات پرکل اس لعنت کو ختم کرنے کی  عملی جدوجہد   کریں ۔

                       ماں اور بچوں کے تعلق کو ناپنے والی مشین ابھی ایجاد نہیں ہوئی ہے اس رشتے کی تمام جہتیں اپنی جگہ اہم ہیں ۔بچے کی جسمانی ،معاشی،معاشرتی کے ساتھ روحانی اورجذباتی  نشو نما کا خیال ماں کی ذمہ داری  ہے۔ اگر ماں اور بچے کے درمیاں رشتہ سطحی اور سرسری ہے پارٹ ٹائم قسم کا تو ارد گرد وہی لا تعلقی ، بے نیازی ،خود سری جنم لیتی ہے جس کا سامنا آج ہمیں گھر اور معاشرےمیں ہے۔

                    اور اگر ماں بچے کا تعلق حقیقی احساسات سے گندھا ہوا ہے تو مستقبل اچھی خبر کی نوید سناتا ہے،ماحول اور معاشر ے کے  حسین دور کا آغاز ……………..

        بہر حال تبدیلی کا اولین بیج ماں اور بچے کے درمیان قرآن کے ساتھ ایک خیال ہے مگر ایک تحریک کا عنواں